გაცნობებთ, რომ საქართველოს მთავრობის 2026 წლის 29 მაისის №237 დადგენილების საფუძველზე, 2027 წლის 1 იანვრიდან - 2027 წლის 31 დეკემბრამდე პერიოდში მედიკამენტების კონსოლიდირებული ტენდერების მეშვეობით შესყიდვის მიზნით ხორციელდება მონაცემების აგრეგირება.

კონსოლიდირებული ტენდერების დაგეგმვის მიზნით, გთხოვთ, არაუგვიანეს 2026 წლის 16 სექტემბრისა, აღნიშნულ მეილზე pharm@cpb.gov.ge გადმოგზავნოთ ინსტრუქციის მიხედვით შევსებული ცხრილი (იხ. ბმული) იმ მედიკამენტების (CPV 33600000 - ფარმაცევტული პროდუქტები) შესახებ, რომლის შესყიდვასაც გეგმავთ 2027 წლის სახსრებით.

დეტალური ინსტრუქცია:

Ø  2027 წლის განმავლობაში შესასყიდი მედიკამენტების რაოდენობების განსაზღვრისას, გაითვალისწინეთ თქვენი ორგანიზაციის მიმდინარე ან/და გასული წლ(ებ)ის საქონლის ხარჯვის სტატისტიკა, ასევე პაციენტთა სავარაუდო მომართვიანობის მაჩვენებელი და აღნიშნული მონაცემების მიხედვით დაგეგმეთ 2027 წლისთვის შესასყიდი მედიკამენტების ოდენობები.

Ø  გთხოვთ, გაითვალისწინოთ, რომ შესასყიდი საქონლის განზომილების ერთეულად იგულისხმება აბი/ამპულა/დრაჟე/კაფსულა/ფლაკონი/ცალი/ტუბი და ა.შ. შესაბამისად, შესასყიდი მედიკამენტების რაოდენობების დაგეგმვისას გაითვალისწინეთ საქონლის შეფუთვა/დაფასოება და მედიკამენტის რაოდენობა განსაზღვროთ რელევანტურად და რაოდენობის სვეტში მიუთითეთ მხოლოდ ციფრი, ტექსტის გარეშე.

ამავდროულად, გთხოვთ გაითვალისწინოთ, რომ მედიკამენტის რაოდენობა უნდა უდრიდეს ან აღემატებოდეს 10-ს, სადაც საქონლის განზომილების ერთეულად („ფორმის“ სვეტში), მითითებულია შემდეგი ფორმები:

·         აბი

·         აბი/შუშხუნა

·         აბი/კაფსულა

·         ამპულა

·         შუშხუნა აბი

·         აბი/კაფსულა/დრაჟე

·         აბი/დრაჟე

·         კაფსულა

·         ი.ვ. და ი.მ. საინექციო ხსნარი

·     ამპულა (ინტრავენური და ინტრამუსკულარული გამოყენებისთვის, ან ინტრავენური გამოყენებისთვის, ან ინტრამუსკულარული გამოყენებისთვის)

·         ამპულა (ინტრამუსკულარული და ინტრავენური მოხმარებისთვის)

·         გახანგრძლივებული მოქმედების გარსით დაფარული აბი

·         დრაჟე

·         საინექციო ხსნარი

·         ნაწლავში ხსნადი გარსით დაფარული აბი

ხოლო, ყველა სხვა შემთხვევაში მედიკამენტის რაოდენობა უნდა აღემატებოდეს 0-ს!

Ø  ასევე გაითვალისწინეთ, რომ თანდართულ ცხრილში, ანბანის მიხედვით, მოცემულია იმ მედიკამენტების შესახებ დეტალური მონაცემები (მათ შორის, დამხმარე ინფორმაცია მედიკამენტების სავაჭრო დასახელების/მწარმოებლის და ფარმაკო-თერაპიული ჯგუფის მითითებით), რომლის შესყიდვაც იგეგმება კონსოლიდირებული ტენდერების ფარგლებში.

Ø  იმ შემთხვევაში თუ თქვენთვის სასურველი კონკრეტული მედიკამენტი (დოზა/ფორმა/მოქმედი ნივთიერება) ცხრილში არ არის, გთხოვთ მოიძიოთ მისი ალტერნატივა და ჩაანაცვლოთ სხვა ფორმის, მსგავსი მოქმედების ან/და ანალოგიური ფარმაკო-თერაპიული ჯგუფის მქონე პრეპარატით.

მაგალითი #1:

თუ თქვენთვის სასურველი სავაჭრო დასახელებაა: „ტერაფლუ“ და მისი ჯენერიკია: comb. drug (Paracetamol, Pheniramine maleate, Phenylephrine hydrochloride)

მისი ჩანაცვლება შესაძლებელია ცხრილში მოცემული სავაჭრო დასახელებით: „ტერაფლუ ლიმნით“ და მისი ჯენერიკია: comb. drug (Paracetamol, Pheniramine maleate, Phenylephrine hydrochloride, Ascorbic acid).

მაგალითი #2:

თუ თქვენთვის სასურველი მედიკამენტის ფორმაა 200 მლ და ცხრილში 200 მლ-ს ნაცვლად არის მხოლოდ 100 მლ, გთხოვთ აირჩიოთ 100 მლ.

Ø  თუ ზემოაღნიშნული ჩანაცვლების მიუხედავად, ცხრილში არ მოიძებნა თქვენთვის სასურველი ფარმაცევტული პროდუქტი, გთხოვთ, გამოიყენოთ ცხრილში არსებული შემსყიდველი ორგანიზაციის მიერ შესავსები „დამატებითი ინფორმაციის“ სვეტი ან/და იხელმძღვანელოთ საქართველოს მთავრობის 2026 წლის 29 მაისის №237 დადგენილებით განსაზღვრული საქონლისა და მომსახურების სახელმწიფო შესყიდვის შესახებ.

Ø  დამატებით განვმარტავთ, რომ ცხრილში მოცემულია ორი სამუშაო ფურცელი ე.წ. „შიტი“ (შიტი #1 - „188 დადგენილების გარეშე“ და შიტი #2 - „188 დადგენილების მიხედვით“). ზოგიერთი მედიკამენტი მეორდება ორივე სამუშაო ფურცელზე ე.წ. „შიტზე“.  თუმცა, განსხვავება შიტი #1-სა და შიტი #2-ს შორის არის მხოლოდ მოთხოვნა მედიკამენტის რეგისტრაციის წესის შესახებ, კერძოდ: შიტი #1-ზე მოცემული მედიკამენტები არის სტანდარტული, საქართველოში  აღიარებითი ან ეროვნული რეჟიმით დარეგისტირებული. ხოლო, შიტი #2-ზე მოცემული მედიკამეტები რეგისტრირებული უნდა იყოს „სხვა ქვეყნების ან სახელმწიფოთაშორისი ფარმაცევტული პროდუქტების მარეგულირებელი სახელმწიფო ორგანოების სიის განსაზღვრის შესახებ“ საქართველოს მთავრობის 2009 წლის 22 ოქტომბრის №188 დადგენილებით განსაზღვრული შესაბამისი ქვეყნის მარეგულირებელი ორგანოს მიერ მის კონტროლს დაქვემდებარებულ ბაზარზე. მოგახსენებთ, რომ აღნიშნული სატენდერო მოთხოვნა ფარმაცევტული პროდუქტ(ებ)ის №188 დადგენილების გათვალისწინებით ან მის გარეშე რეგისტრაციის თაობაზე უნდა განისაზღვროს თქვენი ორგანიზაციის საჭიროებიდან გამომდინარე და ცხრილიც უნდა შეავსოთ აღნიშნული საჭიროების გათვალისწინებით.

Ø  მოგახსენებთ, რომ დაუშვებელია ცხრილში მოცემული მონაცემების ნებისმიერი სახით დაკორექტირება ან/და ინფორმაციის წაშლა! თქვენთვის სასურველი ინფორმაციის ჩაწერა შესაძლებელია მხოლოდ იმ ველებში, რომლებიც შეფერილია წითლად, ხოლო მონაცემის შეყვანისთანავე, შეიფერება მწვანედ.

Ø  შეგახსენებთ, რომ სურვილის შემთხვევაში, დამატებითი ინფორმაციის წარმოდგენისთვის, შეგიძლიათ გამოიყენოთ „დამატებითი ინფორმაციის“ სვეტი.

Ø  გთხოვთ, მაღალი პასუხისმგებლობით მოეკიდოთ კონსოლიდირებული ტენდერების სატენდერო კომისიის მოთხოვნას მოწოდებული ინფორმაციის სიზუსტის თაობაზე და მითითებულ ვადაში სათანადოდ შეავსოთ Excel-ის ფორმატით მოცემული ცხრილი.

დამატებითი ინფორმაციისათვის დაგვიკავშირდით:

ცენტრალური შემსყიდველი ორგანო

+995 32 2 242 248   შიდა: 39

+995 598 265 254 სალომე ძოძუაშვილი