მომხმარებელთა საყურადღებოდ !
გაცნობებთ, რომ სააგენტოს ცხელი ხაზი გადასულია დისტანციურ მომსახურებაზე.
დასაკავშირებლად გთხოვთ ისარგებლოთ შემდეგი ნომრებით: 599 117374 ან 599 858536
სამუშაო საათები: ორშაბათი-პარასკევი, 9:00 - 18:00 სთ. შესვენება 13:00 - 14:00 საათამდე.
შემსყიდველი ორგანიზაციების საყურადღებოდ !
გაცნობებთ, რომ საქართველოს მთავრობის 2018 წლის 29 აგვისტოს №446 დადგენილების საფუძველზე, 2021 წლის 1 იანვრიდან - 2021 წლის 31 დეკემბრამდე პერიოდში სამედიცინო სახარჯი მასალების კონსოლიდირებული ტენდერების მეშვეობით შესყიდვის მიზნით ხორციელდება მოსამზადებელი ღონისძიებები.
კონსოლიდირებული ტენდერების დაგეგმვისა და შესაბამისი სტატისტიკის წარმოების მიზნით, გთხოვთ, არაუგვიანეს 2020 წლის 7 ოქტმობრისა, აღნიშნულ მეილზე Med2021@spa.gov.ge მოგვაწოდოთ შევსებული ცხრილი (იხ. ბმული) იმ სამედიცინო სახარჯი მასალების (CPV 33100000 - სამედიცინო მოწყობილობების) შესახებ, რომლის შესყიდვასაც გეგმავთ 2021 წლის სახსრებით.
გთხოვთ, მაღალი პასუხისმგებლობით მოეკიდოთ კონსოლიდირებული ტენდერების სატენდერო კომისიის მოთხოვნას მოწოდებული ინფორმაციის სიზუსტის თაობაზე და მითითებულ ვადაში სათანადოდ შეავსოთ Excel-ის ფორმატით მოცემული ცხრილი.
დამატებითი ინფორმაციისათვის დაგვიკავშირდით: სახელმწიფო შესყიდვების სააგენტო ცხელი ხაზი: +995 32 2 484 822 +995 32 2 242 248 შიდა: 39
შემსყიდველი ორგანიზაციების საყურადღებოდ !
გაცნობებთ, რომ საქართველოს მთავრობის 2018 წლის 29 აგვისტოს №446 დადგენილების საფუძველზე, 2021 წლის 1 იანვრიდან - 2021 წლის 31 დეკემბრამდე პერიოდში მედიკამენტების კონსოლიდირებული ტენდერების მეშვეობით შესყიდვის მიზნით ხორციელდება მონაცემების აგრეგირება.
კონსოლიდირებული ტენდერების დაგეგმვისა და შესაბამისი სტატისტიკის წარმოების მიზნით, გთხოვთ, არაუგვიანეს 2020 წლის 7 ოქტომბრისა, აღნიშნულ მეილზე pharm2021@spa.gov.ge მოგვაწოდოთ შევსებული ცხრილი (იხ. ბმული) იმ მედიკამენტების (CPV 33600000 - ფარმაცევტული პროდუქტები) შესახებ, რომლის შესყიდვასაც გეგმავთ 2021 წლის სახსრებით.
გთხოვთ, მაღალი პასუხისმგებლობით მოეკიდოთ კონსოლიდირებული ტენდერების სატენდერო კომისიის მოთხოვნას მოწოდებული ინფორმაციის სიზუსტის თაობაზე და მითითებულ ვადაში სათანადოდ შეავსოთ Excel-ის ფორმატით მოცემული ცხრილი.
დამატებითი ინფორმაციისათვის დაგვიკავშირდით: სახელმწიფო შესყიდვების სააგენტო ცხელი ხაზი: +995 32 2 484 822 +995 32 2 242 248 შიდა: 39
შემსყიდველი ორგანიზაციების საყურადღებოდ !
როგორც თქვენთვის ცნობილია, 2020 წლის 10 ივლისს გამოცხადებული A4 ფორმატის უმაღლესი ხარისხის (CON200000177) და პირველი ხარისხის (CON200000176) საბეჭდი ქაღალდის კონსოლიდირებული ტენდერების ფარგლებში (III კვარტალი), სატენდერო წინადადებების მოქმედების ვადა იწურება 2020 წლის 30 სექტემბერს. ვინაიდან, მიმდინარე მდგომარეობის მიხედვით, აღნიშნული ტენდერების ფარგლებში დაგეგმილი შესყიდვების რაოდენობის მნიშვნელოვანი წილი (დაახლოებით 60% – 70%) ამ ეტაპზე ათვისებული არ არის, გთხოვთ გაითვალისწინოთ შემდეგი:
იმ შემთხვევაში, თუ გესაჭიროებათ A4 ფორმატის უმაღლესი ან/და პირველი ხარისხის საბეჭდი ქაღალდის შესყიდვა, მსოფლიო პანდემიის გამო არსებული შეზღუდვებიდან გამომდინარე, IV კვარტალის კონსოლიდირებული ტენდერების ფარგლებში საქონლის მიწოდების შეფერხებისა და გამარტივებული შესყიდვის შემთხვევების ზრდის თავიდან აცილების მიზნით, გთხოვთ, დროულად, არაუგვიანეს 2020 წლის 30 სექტემბრისა, მიმართოთ მიმდინარე კონსოლიდირებული ტენდერების ფარგლებში (CON200000177; CON200000176– III კვარტალი) გამარჯვებულ მიმწოდებელს, საჭირო პროდუქციის შესყიდვის მიზნით.
შემსყიდველი ორგანიზაციების საყურადღებოდ !
სახელმწიფო შესყიდვების სააგენტო მოუწოდებს შემსყიდველ ორგანიზაციებს, სახელმწიფო შესყიდვების გეგმაზომიერად და შეუფერხებლად განხორციელების მიზნით, უზრუნველყონ სახელმწიფო შესყიდვების პროცესისათვის თადარიგის დროული დაჭერა, მისი გონივრული დაგეგმარება, რათა სატენდერო პროცედურების მაქსიმალური გამოყენებით განხორციელდეს ნებისმიერი, მათ შორის, ახალი კორონავირუსის (COVID-19) აღკვეთისა და პრევენციისათვის საჭირო საქონლისა და მომსახურების შესყიდვა.
შემსყიდველი ორგანიზაციების მხრიდან ზემოაღნიშნულის იგნორირების შემთხვევაში, სახელმწიფო შესყიდვების სააგენტოსათვის გამარტივებული შესყიდვის განსახორციელებლად თანხმობის მიღების მიზნით მომართვისას, სააგენტოს მიერ არ იქნება გაცემული თანხმობა გამარტივებული შესყიდვების განხორციელებაზე, ხოლო, პასუხისმგებლობა დამდგარ შედეგზე მთლიანად დაეკისრება შემსყიდველ ორგანიზაციებს.
შემსყიდველი ორგანიზაციების საყურადღებოდ !
გაცნობებთ, რომ ფიჭური სატელეფონო მომსახურების შეუფერხებელი მიწოდების სახელმწიფოებრივი და საზოგადოებრივი მნიშვნელობიდან გამომდინარე, აგრეთვე საბიუჯეტო სახსრების რაციონალური ხარჯვის პრინციპის გათვალისწინებით, სატენდერო კომისიამ მიიღო გადაწყვეტილება (2020 წლის 19 ივნისის ოქმი N7), რომლის შესაბამისად 2018-2019 წლების კონსოლიდირებული ტენდერის (CON170000115) ფარგლებში მომსახურების გაწევის ვადა გაგრძელდა 2020 წლის 31 დეკემბრის ჩათვლით, მიმდინარე ხელშეკრულებებში ვადის გაგრძელების გზით.
ყოველივე ზემოაღნიშნულის გათვალისწინებით, გთხოვთ, გაითვალისწინოთ, რომ დროულად მიმართოთ მიმწოდებლებს მოქმედ შესყიდვის ხელშეკრულებებში შესაბამისი ცვლილების განხორცილების მიზნით, მომსახურების ვადის 2020 წლის 31 დეკემბრის ჩათვლით გაგრძელების თაობაზე.
შემსყიდველი ორგანიზაციების საყურადღებოდ !
სახელმწიფო შესყიდვების სააგენტოს თავმჯდომარის 2020 წლის 3 ივნისის №14 ბრძანებით ცვლილება შევიდა „სატენდერო განცხადებისა და სატენდერო დოკუმენტაციის და საკონკურსო განცხადებისა და საკონკურსო დოკუმენტაციის გამოქვეყნების საფასურის ოდენობებისა და გადახდის წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2011 წლის 23 ივნისის №15 ბრძანებაში, რომლის შესაბამისად დადგინდა, რომ:
• სატენდერო განცხადებისა და სატენდერო დოკუმენტაციის გამოქვეყნების საფასურის გადახდისას, გადახდის დამადასტურებელი დოკუმენტის გადახდის დანიშნულების ველში უნდა მიეთითოს: „ქვეკოდი – 9001, სატენდერო განცხადებისა და სატენდერო დოკუმენტაციის გამოქვეყნების საფასური“.
• საკონკურსო განცხადებისა და საკონკურსო დოკუმენტაციის გამოქვეყნების საფასურის გადახდისას, გადახდის დამადასტურებელი დოკუმენტის გადახდის დანიშნულების ველში უნდა მიეთითოს: „ქვეკოდი – 9002, საკონკურსო განცხადებისა და საკონკურსო დოკუმენტაციის გამოქვეყნების საფასური“.
დამატებითი ინფორმაციისთვის გთხოვთ იხილოთ მიმაგრებული ფაილი.
შემსყიდველი ორგანიზაციების საყურადღებოდ !
2020 წლის 23 მაისს გამოიცა საქართველოს მთავრობის №322 დადგენილება „იზოლაციისა და კარანტინის წესების დამტკიცების შესახებ“, რომლის შესაბამისად, ახალი კორონავირუსის (COVID-19) მასობრივი გავრცელების პრევენციისთვის, „საზოგადოებრივი ჯანმრთელობის შესახებ“ საქართველოს კანონით გათვალისწინებული იზოლაციისა და კარანტინის წესების, ასევე, ქვეყნის მოსახლეობის სიცოცხლისა და ჯანმრთელობისათვის მოსალოდნელი საფრთხის შემცირებისა და ეპიდემიოლოგიური სიტუაციის სამართავად, განისაზღვრა შესაბამისი ღონისძიებები.
ამავე დადგენილებით რეგლამენტირებულ იქნა სახელმწიფო შესყიდვებთან დაკავშირებული რიგი საკითხები, რომელთა გასაცნობად და დამატებითი ინფორმაციის მისაღებად, გთხოვთ, იხილოთ ბმული.
შემსყიდველი ორგანიზაციების საყურადღებოდ !
სახელმწიფო შესყიდვების სააგენტო მოუწოდებს შემსყიდველ ორგანიზაციებს, რათა COVID-19-თან ბრძოლის ფარგლებში, გამარტივებული შესყიდვების განხორციელებისას (გადაუდებელი აუცილებლობის და სახელმწიფო და საზოგადოებრივი მნიშვნელობის ღონისძიების შეზღუდულ ვადაში შეუფერხებლად ჩატარების საფუძვლებით) უზრუნველყონ მხოლოდ ამ ღონისძიებისთვის აუცილებელი საქონლისა და მომსახურების შესყიდვა.
სააგენტო ხაზგასმით მიუთითებს შემსყიდველ ორგანიზაციებს, რომ მათ თავი აარიდონ გამარტივებული შესყიდვის ზემოაღნიშნული საფუძვლების არასაჭირო მიზნით გამოყენებას, ვინაიდან ისინი აგებენ პასუხს სახელმწიფო სახსრების რაციონალურად ხარჯვაზე და გაითვალისწინონ, რომ სახელმწიფო შესყიდვების არამიზნობრივად განხორციელების შემთხვევაში მათ დაეკისრებათ პასუხისმგებლობა მოქმედი კანონმდებლობით დადგენილი წესით.
სახელმწიფო შესყიდვებში მონაწილე პირთა საყურადღებოდ !
„ინფრასტრუქტურული პროექტების განხორციელების ხელშეწყობის მიზნით განსახორციელებელ ზოგიერთ ღონისძიებათა შესახებ“ საქართველოს მთავრობის 2020 წლის 31 მარტის №619 განკარგულების საფუძველზე, სახელმწიფო შესყიდვების სააგენტომ ცვლილება განახორციელა სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებულ „ელექტრონული ტენდერის ჩატარების წესში“.
ხსენებული წესის 36-ე მუხლის მე-3 პუნქტით განისაზღვრა, რომ საქართველოს სამოქალაქო კოდექსის 398-ე მუხლით გათვალისწინებული პირობების დადგომის შემთხვევაში დასაშვებია თავდაპირველად დადებული ხელშეკრულების ღირებულების ოდენობის გაზრდა არაუმეტეს 10%-ისა, ხოლო სამშენებლო სამუშაოების შესყიდვის მიზნით გაფორმებული ხელშეკრულების ფარგლებში, სამშენებლო მასალების ხარჯის ზრდის დაფინანსების გათვალისწინებით, აგრეთვე დასაშვებია თავდაპირველად დადებული ხელშეკრულების ღირებულების გაზრდა „ინფრასტრუქტურული პროექტების განხორციელების ხელშეწყობის მიზნით განსახორციელებელ ზოგიერთ ღონისძიებათა შესახებ“ საქართველოს მთავრობის 2020 წლის 31 მარტის №619 განკარგულებით დადგენილი წესით. ამ პუნქტის მოქმედება არ ვრცელდება ნავთობპროდუქციის (საწვავის) სახელმწიფო შესყიდვაზე.
„ელექტრონული ტენდერის ჩატარების წესში“ განხორციელებული ზემოხსენებული ცვლილებები ძალაში შედის 2020 წლის 3 აპრილიდან.
დაწვრილებითი ინფორმაციისთვის, გთხოვთ, იხილოთ ბმული.
შემსყიდველი ორგანიზაციების საყურადღებოდ !
საქართველოს მთავრობის 2020 წლის 1 აპრილის №210 დადგენილებით ცვლილებები განხორციელდა საქართველოს მთავრობის 2019 წლის 25 დეკემბრის №650 დადგენილებაში. ხსენებული ცვლილებების თანახმად:
• დადგენილების პირველ მუხლში მითითებული პირების მიერ საქართველოს მთავრობასთან შეთანხმდება სახელმწიფო შესყიდვების სააგენტოს თავმჯდომარის 2010 წლის 20 სექტემბრის №7 ბრძანებით დამტკიცებული შესყიდვების ერთიანი ლექსიკონის (CPV კოდების) ფარგლებში სახელმწიფო შესყიდვების განხორციელება, გარდა ამავე დადგენილების დანართით გათვალისწინებული შესყიდვებისა;
• იმავე CPV კოდების ფარგლებში (გარდა ამავე დადგენილების დანართით გათვალისწინებული შესყიდვებისა) სახელმწიფო შესყიდვების განხორციელების დაწყებამდე საქართველოს მთავრობისათვის შესყიდვის ობიექტის შესახებ შესაბამისი ინფორმაციის წარდგენის ვალდებულება ეკისრებათ დადგენილების მე-2 მუხლის „ა“ ქვეპუნქტით გათვალისწინებულ შემსყიდველ ორგანიზაციებს;
• რაც შეეხება მუნიციპალიტეტებსა და მათ მიერ დაფუძნებულ იურიდიულ პირებს, ხსენებული შემსყიდველი ორგანიზაციები, განხორციელებული ცვლილებების შესაბამისად, სახელმწიფო შესყიდვების განხორციელების დაწყებამდე, საქართველოს რეგიონული განვითარებისა და ინფრასტრუქტურის სამინისტროს წარუდგენენ შესყიდვის ობიექტის შესახებ (გამონაკლისის გარეშე) შესაბამის ინფორმაციას.
დაწვრილებითი ინფორმაციისთვის, გთხოვთ, იხილოთ ბმული.
სისტემის მომხმარებელთა საყურადღებოდ!
ჯანმრთელობის მსოფლიო ორგანიზაციის შესაბამისი რეკომენდაციების გათვალისწინებით, კორონავირუსის გავრცელების პრევენციის მიზნით, „სახელმწიფო შესყიდვების შესახებ“ საქართველოს კანონის საფუძველზე შექმნილი დავების განხილვის საბჭო მხარეებს მიმართავს თხოვნით, განსაკუთრებული საჭიროებისა და გადაუდებელი აუცილებლობის გარდა, თავი შეიკავონ საჩივრის განხილვის სხდომებზე დასწრებისგან - გაუფრთხილდნენ როგორც საკუთარ, ისე გარშემომყოფთა ჯანმრთელობას.
სახელმწიფო შესყიდვების ერთიანი ელექტრონული სისტემის მომხმარებელთა საყურადღებოდ!
გაცნობებთ, რომ 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.
სააგენტო მოუწოდებს შემსყიდველ ორგანიზაციებსა და შესყიდვებში მონაწილეობის მსურველებს/პრეტენდენტებს/მიმწოდებლებს, გაატარონ სათანადო მოსამზადებელი ღონისძიებები, რათა 2019 წლის 1 იანვრიდან უზრუნველყონ „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა განუხრელი დაცვა.
იხილეთ სახელმძღვანელო ინსტრუქცია