შემსყიდველი ორგანიზაციების საყურადღებოდ!
გაცნობებთ, რომ სახელმწიფო შესყიდვების სააგენტოს თავმჯდომარის 2011 წლის 10 თებერვლის №2 ბრძანებით დამტკიცებულ „შემსყიდველი ორგანიზაციის ანგარიშგების წესში განხორციელდა ცვლილებები, რომელთა თანახმადაც, შემსყიდველი ორგანიზაციები ვალდებულნი არიან, კონსოლიდირებული ტენდერის ჩატარების შედეგად დადებული ხელშეკრულება, ხელშეკრულების დადებასთან დაკავშირებული დოკუმენტები, ასევე ამ ხელშეკრულების ცვლილების (მათ შორის, ხელშეკრულების შეწყვეტის) ამსახველი დოკუმენტი, ნაცვლად CMR მოდულისა, ატვირთონ კონსოლიდირებული ტენდერის შესაბამის ველში.
ხსენებული ცვლილებები ამოქმედდება 2019 წლის 1 სექტემბრიდან.
ვრცლად იხილეთ ბმულზე.
„სახელმწიფო შესყიდვების შესახებ“ საქართველოს კანონის შესაბამისად, 2019 წლის 1 სექტემბრიდან ამოქმედდება სახელმწიფო შესყიდვების სააგენტოს თავმჯდომარის 2019 წლის 21 აგვისტოს №3 ბრძანებით დამტკიცებული „სახელმწიფო შესყიდვების სფეროში მოქმედი ევროკავშირის დირექტივებით დადგენილი მონეტარული ზღვრების გამოყენების წესი და პირობები“.
აღნიშნულ წესში ასახულ იქნა სახელმწიფო შესყიდვების სფეროში მოქმედი ევროკავშირის დირექტივებითა და რეგულაციებით დადგენილი მონეტარული ზღვრები, კერძოდ, ერთგვაროვანი საქონლისა და მომსახურების შემთხვევაში – 144 000 ევროს ეკვივალენტი ლარში, ხოლო ერთგვაროვანი სამუშაოს შემთხვევაში – 5 548 000 ევროს ეკვივალენტი ლარში (შესყიდვის გამოცხადების დღისთვის საქართველოს ეროვნული ბანკის მიერ დადგენილი ოფიციალური გაცვლითი კურსით).
ზემოაღნიშნული წესის შესაბამისად, იმ შემთხვევაში, თუკი კონკრეტული შესყიდვის განხორციელებისას, ერთგვაროვანი საქონლის, მომსახურებისა და სამუშაოს სავარაუდო ღირებულება შეადგენს ან აღემატება ხსენებულ მონეტარულ ზღვრებს, ელექტრონული ტენდერის ჩატარების შესახებ განცხადებისა და სატენდერო დოკუმენტაციის გასაცნობად, აგრეთვე სატენდერო წინადადების წარსადგენად შემსყიდველმა ორგანიზაციებმა უნდა განსაზღვრონ არანაკლებ 30 კალენდარული დღე, რომელთაგან სატენდერო განცხადებისა და სატენდერო დოკუმენტაციის გასაცნობად განკუთვნილია სულ მცირე პირველი 25 კალენდარული დღე, ხოლო სატენდერო წინადადების წარსადგენად – 5 კალენდარული დღე.
აღნიშნულის უზრუნველსაყოფად, სააგენტომ განახორციელა მთელი რიგი ქმედებები სახელმწიფო შესყიდვების ერთიანი ელექტრონული სისტემის ახალი რეგულაციების ადაპტირებისთვის იმგვარად, რომ შემსყიდველ ორგანიზაციებს არ მოუწევთ დამატებითი ძალისხმევა და ისინი შეუფერხებლად შეძლებენ შესყიდვის განხორციელებას კანონმდებლობის მოთხოვნათა სრული დაცვით. ამავდროულად ხაზგასასმელია, რომ სისტემა თავად უზრუნველყოფს საქართველოს ეროვნული ბანკის მიერ ეროვნული ვალუტის ევროს მიმართ დადგენილი ოფიციალური გაცვლითი კურსის შესაბამისად შესყიდვის სავარაუდო ღირებულების კონვერტაციას.
გთხოვთ გაითვალისწინოთ ყოველივე ზემოაღნიშნული და უზრუნველყოთ სახელმწიფო შესყიდვების განხორციელება კანონმდებლობის მოთხოვნათა სრული დაცვით.
გაცნობებთ, რომ 2019 წლის 13 ივნისიდან CMR მოდულში ახალი ანგარიშის რეგისტრაციის ფორმაში განხორციელდება ტექნიკური ცვლილებები. დამატებითი ინფორმაციისათვის იხილეთ ბმული
იხილეთ სრულად
2018 წლის 26 ნოემბერის სახელმწიფო შესყიდვების სააგენტოს მიერ გამოქვეყნებულ სისტემურ შეტყობინებასთან დაკავშირებით, რომელიც ეხება საქართველოს მთავრობის 2018 წლის 29 აგვისტოს №446 დადგენილების დანართით განსაზღვრულ საქონლისა და მომსახურების სახელმწიფო შესყიდვას, დამატებით გაცნობებთ შემდეგს.
იხილეთ მიბმული ფაილი
გაცნობებთ, რომ 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.
სააგენტო მოუწოდებს შემსყიდველ ორგანიზაციებსა და შესყიდვებში მონაწილეობის მსურველებს/პრეტენდენტებს/მიმწოდებლებს, გაატარონ სათანადო მოსამზადებელი ღონისძიებები, რათა 2019 წლის 1 იანვრიდან უზრუნველყონ „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა განუხრელი დაცვა.
იხილეთ სახელმძღვანელო ინსტრუქცია